FASE 1: Konseptutvikling
 Konsept skisse
Dette er eit møte der samtale finn stad om kunden sitt behov og ønske, økonomiske og reguleringsmessige rammer, og kva tenester arkitektfirmaet kan by på. Det blir gjerne orientert om kva prosedyrer og prisar som gjeld for dei ulike oppdraga. Møtet munnar normalt ut i ei konseptskisse. Ei konseptskisse består vanlegvis av ein grunnidé om korleis bygninga kan sjå ut, basert på diskusjonen i møtet. Den inkluderer tankar om «grep», tilkomst, soltilhøve, uteområde, planløysing og fasade. Konseptskissa dannar eit grunnlag/grunnidé som kan jobbast vidare med for å lage eit skisseprosjekt. Om kostnad: Det vil først vere behov for eit kort direkte møte (ca 15 minutt) for å avklare forhold som kjemi, tillit til kompetanse, interesse og evne til dialog. Vidare samtale/konseptmøte utover dei fyrste 15 minutta vil bli sett på som ønske om å få utført tenester hos oss, og vil bli fakturert etter medgått tid eller etter avtale. Evt. kontraktsinngåing for neste fase (skisseprosjektering) skjer på konseptmøtet eller i etterkant av dette. Evt. synfaring på tomt (avhengig av kvar ho ligg) blir fakturert per time. |